Hotel ke bahar...

parking area me car rukti hai.

Engine band hota hai...

par dono kuch second tak waise hi baithe rehte hain.

Bahar se halki music ki awaaz aa rahi hoti hai...

andar-

khamoshi.

Rudra steering par ungli se halki tapping karta hai...

phir dheere se uski taraf mudta hai.

Uski nazar is baar seedha us par tik jaati hai.

Lambi.

Uncomfortable.

Sneha bilkul chup baithi hoti hai...

light pink colour saree me.

And light makeup...

halka sa smudged sindoor ...crystal bindi

light pink lipstick and Kajal that's it

Safar ki thakaan uske chehre par seedhi dikh rahi hoti hai...

aankhon ke neeche halka sa dark shade...

baal thode se bikhre huye ...

pallu halka sa fisla hua.

par phir bhi-

wo ajeeb tarah se khoobsurat lag rahi hoti hai.

Uski godh me Paari hoti hai...

chhoti si...

uske muh me pacifier laga hota hai.

Wo dheere dheere use chus rahi hoti hai...

Do chhoti si ponytails...

sky blue frock...me...

Paari apne chhote haathon se Sneha ka pallu kheench kar khel rahi hoti hai.

"mum..m..y..."

wo halki si hasi ke saath bolti hai.

Sneha uski taraf dekh kar ek chhoti si muskaan lane ki koshish karti hai...

par wo muskaan poori nahi hoti.

Uska haath dheere se Paari ke baal theek karta hai.

Sneha ko feel ho jaata hai.

Wo dheere se apna pallu theek karti hai...

baal peeche karne ki koshish karti hai.

Wo nazar uthaati hi nahi.

Rudra halka sa seat ki taraf jhukta hai...

elbow side par tikata hai...

aur usse dekhte hue bolta hai-

"thak gayi?"

Sneha dheere se sir hila deti hai-

"nahi..."

Rudra ke honton par halka sa curve aata hai.

Wo usse upar se neeche tak dekhta hai-

"lag to raha hai..."

"Yahan aake bhi acting band nahi hui teri

wo dheere se bolta hai.

Sneha ka gala sookh jaata hai.

Wo bas Paari ko thoda aur kas leti hai...

jaise usi me khud ko chhupa rahi ho.

Rudra ka smirk thoda aur deepen hota hai.

Wo dheere se jhukta hai...

apni ungliyon se uska chin pakad kar halka sa upar uthata hai.

"andar jaake..."

Rudra dheere se bolta hai,

"seedhi tarah behave karna."

Awaaz low... par seedhi.

Sneha turant sir hila deti hai-

"ji..."

Uski awaaz bahut halki.

Wo darwaza kholne ke liye haath badhati hai-

tabhi...

Rudra uska haath pakad leta hai.

Zyada zor se nahi...

par itna ki wo ruk jaaye.

"itni bhi kya jaldi hai... bahar jane ki?

wo dheere se bolta hai.

Awaaz me halka sa muskaan...

par aankhon me kuch aur hi.

Sneha ka haath wahi ruk jaata hai.

Sneha dheere se sir jhuka leti hai, "Main... bas-"

"Bas kya?"

Sneha dheere se uski taraf dekhti hai aankhon me sirf darr.

"Function ke liye late ho jayenge..." usne halki si awaaz me kaha.

Rudra halki si hansi hansa... smug... jaise use Sneha ka darr enjoy ho raha ho.

Wo thoda jhuk kar uske aur kareeb aaya... itna kareeb ki Sneha apni saans rok gayi.

"Late?" usne dheere se repeat kiya...

"Tu mujhe yaad dilayegi ab time ka?"

Uski ungliyan Sneha ke gaal ko halka sa touch karti hain... phir dheere se uske honthon ke paas ruk jaati hain.

Sneha ki saansein tez ho jaati hain.

"Ghar pe toh phir bhi tu chup rehna seekh gayi hai..."

wo dheere se bolta hai,

"yahan naye jagah pe bhool mat jaana apni aukaat."

Sneha ki aankhon me paani bharne lagta hai.

Wo kuch bolne ki koshish karti hai -

par awaaz hi nahi nikalti.

mujhe koi scene create nahi chaiye ...

warna ,phir hotel room me puri raat achhe se smjhugaa...

"samajh rahi hai na tu ?"

Sneha ki aankhen ek pal ke liye usse milti hain...

phir turant jhuk jaati hain.

"ji..."

wo bahut halki awaaz me bolti hai...

Good Girl!...Uski ungliyan Sneha ke gaal par halki si kas jaati hai...

bese sach me is pink saree me lag to bahut achhi rahi hai....tu

phir dheere se apne hontho uske gaal par rakh deta hai

Sneha ki saansein tez ho jaati hain.

Wo bas Paari ko thoda aur kas leti hai...

jaise usi me khud ko chhupa rahi ho.

Phir Rudra seedha ho jaata hai...

door kholta hai.

"utro."

wo casually bolta hai.

Sneha apni saree ka pallu thoda theek karti hai...

Paari ko sambhalti hai...

Sneha dheere se door kholti hai...

bahar utarti hai.

Rudra car lock karta hai...

ek pal ke liye phir uski taraf dekhta hai.

Light pink saree me khadi Sneha...

Rudra ke chehre par phir wahi arrogance smug expression aata hai.

Aur Sneha...

sir jhuka ke bas uske saath chal padti hai.

Rudra uske paas aata hai... uske kandhe par haath rakhta hai - bilkul normal husband jaisa.

Aur halki si muskaan ke saath uske kaan ke paas bolta hai-

"Smile kar... warna

"logon ko lagega main bahut tang karta hoon tujhe."

Tone me mazaak nahi-

Sneha turant halka sa smile karti hai

hall lights se jagmag kar raha tha.

Music halka sa chal raha tha...

log has rahe the...

baatein... shor... hasi...

sab kuch normal.

Aur ussi bheed ke ek kone me-

Sneha khadi thi.

Paari ko godh me liye hue...

uske chhote haath Sneha ki saree pakde hue the.

par chehra-

bilkul chup.

Aankhen idhar udhar dekh rahi thi...

par kisi par tik nahi rahi.

Jaise wo yaha hoke bhi... yaha nahi hai.

Thoda door-

Rudra khada tha apne doston ke beech.

Hasi mazaak...

loud laugh...

"Arey bhai, finally tu bhi fas gaya!"

uska ek dost haste hue Vikram se bolta hai.

Rudra bhi hans padta hai-

"Fasna nahi bolte... settle hona bolte hain."

Sab hans padte hain.

Uska ek aur dost uske kandhe pe haath maar ke bolta hai-

"Tu toh sabse dangerous tha... tujhe kisne pakad liya?"

Rudra halka sa smirk karta hai...

glass haath me ghumaate hue.

"Sabka time aata hai."

wo casually bolta hai.

Tabhi uska ek dost thoda jhuk ke, aadhi hansi ke saath bolta hai-

"Waise Rudra bhabhi kaisi hai...?"

phir idhar udhar dekh ke add karta hai-

"kaam se kaam milwa toh deta... shaadi me bulaya bhi nahi tune."

Baaki dost bhi halka sa hans dete hain-

"haan yaar, chupke chupke shaadi kar li."

Rudra ek second ke liye chup rehta hai...

phir halki si smirk aati hai uske honton par.

Wo glass me drink ghumaata hai...

aur sip le leta hai.

"Simple si ladki hai."

wo casually bolta hai.

Tone bilkul halka...

jaise koi khaas baat nahi.

"Zyada bheed bhaad pasand nahi hai use...

"haan bhai, tu to alag hi level pe hai."

Rudra bas halka sa smirk karta hai...

Sneha ki nazar anjaane me us par chali jaati hai.

Wo use dekh rahi hoti hai...

door se.

Uska hansna...

uska normal rehna...

Paari halki si awaaz karti hai...

Sneha turant uski taraf dekhne lagti hai...

uske gaal ko halka sa chhooti hai.

"shh..."

wo dheere se kehti hai.

Rudra ab bhi apne friends me busy hai.

Unki duniya alag hai...

aur Sneha-

bilkul alag.

Tabhi ek aunty type lady Sneha ke paas aati hain...

"Arre beta , idhar akeli kyun khadi ho?"

wo poochti hain.

Sneha turant halka sa muskurane ki koshish karti hai-

"nahi... bas..."

Awaaz me warmth nahi.

Lady Paari ki taraf dekh ke bolti hain-

"kitni pyari hai..."

Sneha sirf sir hila deti hai.

Par uski aankhen phir se bheed me kisi ko dhoond rahi hoti hain-

Rudra ko.

Wo ek pal ke liye uski taraf dekhta bhi nahi hai...

Hall me music thoda loud ho jaata hai...

couple dance ke liye floor par aane lagte hain.

Rudra apne friends ke beech khada hota hai...

phir uski nazar Sneha par padti hai-

door...

Paari ko godh me liye...

ab bhi alag.

Wo seedha uski taraf badhta hai.

Sneha use aate dekh ke hi thodi tense ho jaati hai.

"Rudra apna haanth sneha ki taraf badhta hai Chalo."

Rudra seedha bolta hai.

Sneha samajh jaati hai-

wo turant apni gardan naa me hilati

"main... nahi..."

wo dheere se kehti hai,

"pet me dard ho raha hai..."

Awaaz me sach bhi hai...

aur darr bhi.

Rudra ek second ke liye use dekhta hai...

phir zaberdasti uska haath pakad leta hai.

Paari ko jaldi se paas khadi ek aunty ko de diya jaata hai-

"Zyada drame aa rahe hai."

wo dheere se bolta hai.

Sneha turant haath chhudane ki koshish karti hai-

"please... nahi-"

par wo sunta nahi.

Seedha use kheench kar dannce floor par khada kar deta hai.

Sneha ka balance hilta hai...

par wo kisi tarah sambhalti hai.

Music chal raha hota hai...

lights... log... sab dekh rahe hote hain.

Rudra uska haath pakde hue hota hai...

use steps follow karne ke liye push kar raha hota hai.

Sneha ke pair properly chal nahi rahe...

har movement me halka sa jhatka...

dard clearly uske chehre par aa raha hota hai.

"seedha chal."

Rudra dheere se bolta hai,

"log dekh rahe hain."

Sneha ki saansein tez ho rahi hoti hain...

aankhen halka sa blur hone lagti hain.

Music aur loud lagne lagta hai...

sab kuch ghoomta hua.

"Rudra ji..."

wo dheere se bolti hai,

"mujhse nahi ho raha..."

Par uska haath ab bhi pakda hua hai.

Ek step...

phir dusra...

aur achanak-

uska badan halka sa dheela pad jaata hai.

Aankhon ke saamne andhera sa chha jaata hai.

Wo girne hi wali hoti hai-

ki Rudra turant use pakad leta hai.

"oye-"

wo thoda sa jhatka sa feel karta hai.

Sneha uske haath me halki si latak jaati hai...

bilkul weak.

Music dheere dheere rukne lagta hai...

logon ka dhyaan idhar aa jaata hai.

"kya hua?"

"arey sambhalo-"

awaazein aane lagti hain.

Rudra thoda sa jhuk ke bolta hai-

"paani lao koi."

Uska tone ab bhi controlled hai...

par halka sa tension aa gaya hai.

Sneha ki aankhen aadhi band hoti hain...

saans uneven.

Tabhi-

ek thodi umar-daraz aunty aage aati hain.

Wo Sneha ko upar se neeche tak dekhti hain...

phir seedha bol deti hain-

"Arey... isse neeche bithao."

Log thoda space bana dete hain.

Sneha ko chair par bithaya jaata hai...

Rudra uske paas khada hota hai.

Aunty uska chehra dekhti hain...

haath pakad ke halka sa check karti hain...

phir seedha bolti hain-

"Ye to pregnant lag rahi hai."

Ek second.

Jaise hawa ruk jaati hai.

Aas paas khade log ek dusre ko dekhte hain...

phir Sneha ko.

Rudra ka chehra ek pal ke liye still ho jaata hai.

Sneha ki aankhen dheere se khulti hain...

wo aunty ki baat sun leti hai.

"Ye to pregnant lag rahi hai."

Aunty ki baat hawa me latak jaati hai.

Ek second.

Phir-

chaaron taraf halki si fuspusaahat shuru ho jaati hai.

Sabki nazar-

ab sirf Rudra par tik jaati hai.

Rudra bilkul still khada hota hai.

Uska haath ab bhi Sneha ke kandhe ke paas hota hai...

par grip dheere se tight ho jaata hai.

Sneha chair par baithi hoti hai...

saans tez...

aankhen aadhi khuli.

Uske kaan me sab awaazein aa rahi hoti hain.

Rudra dheere se seedha khada hota hai...

chehra bilkul control me.

Ek second ke liye wo aunty ki taraf dekhta hai-

phir halka sa smirk jaisa kuch aata hai.

"Doctor hain aap?"

wo seedha poochta hai.

Awaaz calm.

Par tone me halka sa challenge.

Aunty thodi si hichakti hain-

"nahi... Beta par me experience se-"

"Bas."

Rudra beech me hi rok deta hai.

Bilkul politely...

par clearly.

"Guess karna asaan hota hai."

wo dheere se bolta hai,

"confirm karna mushkil."

Aas paas ke log thode chup ho jaate hain.

Rudra jhuk ke Sneha ke paas aata hai...

uska chehra ek second ke liye dhyan se dekhta hai.

Uski aankhon me ek pal ke liye kuch flicker karta hai-

shock... ya calculation.

Par next second-

sab wapas normal.

"Tabiyat theek nahi hai bas."

wo seedha bolta hai,

"weakness hai."

Wo seedha khada hota hai...

aur aas paas dekh ke bolta hai-

"Fresh air chahiye isse."

Tone bilkul decisive.

Jaise discussion khatam.

Ek dost aage badh ke bolta hai-

"haan bhai, bahar le ja..."

Rudra sirf halka sa sir hilaata hai.

Phir Sneha ki taraf jhukta hai...

"khadi ho sakti ho?"

wo dheere se poochta hai.

Awaaz bahar walon ke liye normal hai...

par Sneha ke liye-

andar ek pressure.

Sneha halka sa sir hila deti hai...

par uske pair me taqat nahi hoti.

Rudra uska haath pakad ke use uthata hai...

iss baar zor se nahi...

par grip firm.

Jaise control chhodna nahi chahta.

Log side ho jaate hain...

raasta ban jaata hai.

Rudra use sambhalte hue bahar le jaane lagta hai.

Jaate waqt-

uski nazar ek pal ke liye apne doston par padti hai.

Wahi halka sa smirk.

Jaise keh raha ho-

"congratulations

Bahar corridor me aate hi-

music ki awaaz halki pad jaati hai.

Sneha ka badan ab bhi halka sa kaanp raha hota hai.

Rudra usse wall ke paas rok deta hai...

uska haath ab bhi uski kalai par hota hai.

Is baar-

thoda tight.

"Pregnant...?"

wo dheere se bolta hai.

Kab Se? sneha

Awaaz bahut low.

Par usme ek ajeeb sa mix hota hai-

shock bhi... aur sawal bhi.

Sneha ki saansein ruk si jaati hain.

Wo uski taraf dekhti bhi nahi...

sirf dheere se bolti hai-

"mujhe nahi pata..."

Rudra kuch second usse dekhta rehta hai.

Uski aankhen seedha uske chehre par tikki hoti hain.

Phir-

uske honton par halka sa curve aata hai.

Rudra ek kadam aur kareeb aata hai...

"Main jo pooch raha hoon wo samajh aa raha hai na?" kab se...

uska tone aur neeche gir jaata hai.

Sneha sir jhuka leti hai-

"mujhe nahi pata..."

Rudra ka haath uski kalai pakad leta hai...

iss baar zor se.

"Jhoot mat bol." Sneha....

Sneha ke hont kaanpne lagte hain-

"main jhoot nahi bol rahi..."

Par uski awaaz me dum nahi.

Uski saansein aur tez ho jaati hain...

aankhon ke saamne phirse sab blur hone lagta hai.

"Rudra ji..."

wo bahut halki awaaz me bolti hai,

"mujhe... chakkar..."

Uske shabd adhoore reh jaate hain.

Uska badan dheere se aage girne lagta hai.

Sneha bilkul dheeli pad jaati hai.

Sir uske seene ke paas gir jaata hai...

aankhen band.

"Shit..."

Rudra dheere se bolta

Wo ek second ke liye idhar udhar dekhta hai...

phir bina waqt waste kiye-

use seedha godh me utha leta hai.

Sneha ka halka sa badan uske haathon me aa jaata hai...

bilkul bejaan sa.

Uska haath neeche latak jaata hai...

chehra bilkul safed.

Rudra tez kadam se chalne lagta hai-

hotel ke rooms ki taraf.

Corridor me staff usse dekhte hain...

par koi kuch nahi bolta.

Uska pace fast hota ja raha hota hai.

Lift ka wait nahi karta-

seedha stairs le leta hai.

Har step par-

uski grip aur tight hoti hai.

Jaise control chhodna option hi nahi.

Room ke paas pahunch ke-

wo jaldi se door kholta hai...

andar jaata hai.

Bed tak aake-

wo Sneha ko dheere se lita deta hai.

Par uski saansein ab bhi uneven hoti hain.

Rudra ek second ke liye usse dekhta hai...

phir haath se uska chehra halka sa tap karta hai-

"Sneha..."

koi response nahi.

Wo thoda sa irritate sa ho jaata hai-

"abhi nahi..."

par awaaz me halka sa tension bhi aa gaya hota hai.

Wo side table se paani uthata hai...

aur uske chehre par halki si boondein chhidakta hai.

"Sneha... uth."

Room me sirf unki saansein aur silence hota hai.

Tabhi-

darwaza knock hota hai.

Rudra ka chehra turant tight ho jaata hai.

Wo jaake door kholta hai-

bahar uska ek dost khada hota hai paari ko godh me liye...

aur uske saath ek lady doctor.

"Bhai... doctor le aaya."

dost dheere se bolta hai.

Rudra ki aankhon me turant irritation chamakti hai.

Wo ek second ke liye doctor ko dekhta hai...

phir apne dost ko.

"Iski kya zarurat thi?"

wo seedha bolta hai.

Awaaz low... par clearly pasand nahi aaya.

Dost thoda awkward ho jaata hai-

"wo... bhabi behosh ho gayi thi na..."

Doctor beech me hi aage badh jaati hain...

"Patient kahan hai?"

wo seedha poochti hain.

Rudra side ho jaata hai...

Doctor ko andar aane deta hai.

Doctor Sneha ke paas aati hain...

"kya hua inhe?"

wo poochti hain.

Rudra haath fold karke khada hota hai...

chehra bilkul blank.

"Pata hota..."

wo halka sa smirk ke saath bolta hai,

"to aapko bulate."

Doctor ek second ke liye uski taraf dekhti hain...

phir wapas Sneha par focus kar leti hain

uski pulse check karti hain...

aankhen... saans...

Kuch basic check karne ke baad...

wo seedha khadi hoti hain.

Room me phir se wo ek second ka pause.

Phir-

doctor seedha bolti hain-

"Congratulations."

Rudra ki nazar turant un par jaati hai.

"Pregnancy hai."

wo calmly confirm karti hain.

Room me hawa jaise ruk jaati hai.

Rudra ka chehra ek pal ke liye bilkul still.

Na shock clear...

na reaction.

Bas aankhen sneha par tik jaati hain.

bed par leti hui...sneha

dheere se aankhe khulti hain.

Usne sab sun liya hota hai.

Wo seedha chhat ki taraf dekh rahi hoti hai...

jaise usse pehle se pata ho.

Par fir bhi-

sunna nahi chahti thi.

Uski saansein dheere se heavy ho jaati hain...

aankhon me paani bharne lagta hai.

Wo palat ke kisi ko nahi dekhti...

na Rudra ko...

na doctor ko.

Bas seedha dekhte rehti hai.

Jaise ye sach-

andar utarne me waqt le raha ho.

Doctor aage bolti hain-

"Dhyaan rakhna hoga inka."

phir Rudra ki taraf dekh ke add karti hain,

"stress aur weakness dono avoid karni padegi."

Rudra bas khada rehta hai...

kuch bolta nahi.

Uska jaw halka sa tight ho gaya hota hai.

Doctor apna bag uthati hain...

"Rest karne dijiye inhe."

Aur nikal jaati hain.

congratulations Rudra..

par Rudra kuch nahi bolta

Dost bhi paari ko dekar bahar chala jaata hai

Darwaza band hote hi...

room me ek ajeeb si khamoshi jam jaati hai.

Sneha bed par leti hoti hai...

aankhen khuli... par blank.

Aansu side me beh rahe hote hain...

par awaaz ab bhi nahi.

Rudra kuch second tak wahi khada rehta hai...

phir dheere dheere chal ke bed ke paas aata hai.

Uski nazar Sneha par tik jaati hai.

"Pregnant..."

wo dheere se bolta hai.