Shaadi ka din.

Poora mohalla roshni se jagmaga raha tha. Ghar ke bahar bada sa tent laga hua tha. Band baaje ki awaaz door tak ja rahi thi. Gali ke bachche baarat ke peeche bhaag rahe the.pandit ji ke mantra, aur rishtedaaron ki bheed…

Sab kuch ek normal shaadi jaisa lag raha tha.

Par Anshi ke ghar ke andar…

Har insaan ke chehre par tension chipki hui thi.

Uske papa subah se paise, jewelley Furniture. aur samaan check kar rahe the. Baar baar list dekhte… phir paseena pochhte.

Sab list ke hisaab se tha…

Bas paise kam pad gaye the.

.Do lakh.

Sirf do lakh.

Loan ke bawajood.

Ghar girvi rakhne ke bawajood.

Kyuki dahej ka ek hissa abhi bhi poora nahi ho paya tha.

Sirf do lakh.

Par middle class ghar ke liye woh “sirf” nahi hota.

“Main Varma ji se aur udhaar maang leta hoon…” Anshi ke papa ki awaaz toot rahi thi.

“Ab iss waqt kaun dega?” uski maa aankhen pochhte hue boli.

“Bas do lakh ki hi toh kami hai…” uski maa udaasi awaaz me boli, “shaadi ke baad de denge na.”

Par Anshi ke papa ka chehra safed pad chuka tha.

“Woh log maan gaye toh…”

Unki awaaz me umeed kam… darr zyada tha.

Udhar baarat aa chuki thi.

Band baaja baj raha tha.

Adhikrit ghodi se utar raha tha. Cream sherwani me woh handsome lag raha tha… par uski aankhon me wohi cold intensity thi.

Mohalle ki aunties aur ladkiyan dheere se bol rahi thi—

“Dulha toh bahut accha hai…”

“Bas ladki gungi hai…”

Ye words Anshi ke kaano tak bhi pahunch rahe the.

Woh bridal room me laal lehenga pehne chupchaap baithi thi.

Heavy jewellery ke neeche bhi uske haath kaamp rahe the.

Tabhi bahar achanak shor hua.

Anshi ka dil zor se dhadka.

Uski maa ghabra kar bahar bhaagi.

hall ke paas sab log jama the.

Adhikrit ke papa ka chehra gusse se laal tha.

“Maine kaha tha na poore paise chahiye!”

Unki tez awaaz poore tent me gunj rahi thi.

Anshi ke papa dono haath jode khade the.

“Samdhi ji bas thoda waqt aur de dijiye…”

“Waqt?” Adhikrit ke papa almost chillaye, “shaadi mazaak lag rahi hai aapko?”

Saare mehmaan chup hokar dekh rahe the.

Kisi ki himmat nahi ho rahi thi beech me bolne ki.

“Hamne apne bete ke liye kya kya rishte chhode hain pata hai?” woh aur zor se bole, “aur aap—”

Unhone gusse me jewellery ka box table par patka.

“Do lakh bhi poore nahi kar paye!”

Anshi ki maa ro padi.

“Bhai sahib izzat ka sawaal hai… shaadi ke baad de denge.”

“Izzat?” Adhikrit ki maa kadwe tone me boli, “hamare bete par ehsaan nahi kar rahe aap!”

Anshi ke papa ki aankhen bhar aayi.

Poore mohalla ke saamne…

Ek baap toot raha tha.

“Hamari majboori samajhiye…” woh ruk ruk kar bole, “beti ki wajah se pehle hi kitni jagah se mana ho chuka…”

Ye line bolte bolte unki awaaz hi toot gayi.

Aur us waqt…

Darwaze ke peeche khadi Anshi sab sun rahi thi.

Uski aankhon se aansu lagataar gir rahe the.

Uske papa…

Jo kabhi uspar awaaz tak unchi nahi karte the…

Aaj uski wajah se haath jod rahe the.

Usne muh par haath rakh liya taaki koi uski dabi hui siskiyaan na sun le.

Par awaaz…

Aaj bhi nahi nikli.

“Shaadi rok dijiye fir!” Adhikrit ke papa gusse me bole.

“Hume koi kami nahi hai rishton ki!”

Ye sunte hi Anshi ki maa almost haanth jod kar vinti karti hai

“Nahi bhai sahib… aisa mat kijiye…” woh rote hue boli, “hamari beti mar jayegi.”

Pure tent me awkward silence chha gaya.

Log dheere dheere fuspusaane lage.

“Bechari…”

“Gungi ladki hai na…”

“Baap majboor hai…”

Anshi ka dil phat raha tha.

Aur tabhi…

Adhikrit aage badha.

Sab chup ho gaye.

Usne ek baar Anshi ke papa ko dekha… phir apne father ko.

“Bas kijiye.”

Uski awaaz bahut shaant thi.

Par us shaanti me pressure tha.

“Par Adhikrit—”

“Maine kaha na bas.”

Uski nazar ek second ko seedha us darwaze par gayi jahan Anshi chupkar khadi thi.

Uski aankhen laal ho chuki thi ro rokar.

Aur Adhikrit…

Woh use ajeeb intensity se dekhne laga.

Jaise uski majboori… uska rona… uski helplessness…

Sab kuch uske andar kuch dark sa jagaa raha ho.

Phir usne dheere se kaha—

“Shaadi hogi.”

Adhikrit ke papa gusse me bole—

“Paise—”

“Baad me de denge.”

Seedha jawab.

Uski maa shock me use dekhne lagi.

Par Adhikrit ka focus sirf Anshi par tha.

Uski aankhon me pyaar nahi tha.

Ownership thi.

Jaise woh decide kar chuka ho—

Ye ladki ab meri hai.

Mandap me havan ki smell faili hui thi.

Pandit ji mantra padh rahe the. Camera wale baar baar light maar rahe the. Rishtedaar fake smiles ke saath idhar udhar ghoom rahe the.

Par us shor ke beech…

Anshi ko kuch sunai nahi de raha tha.

Uske kaan abhi bhi wahi words sun rahe the—

“Pehle hi ladki aisi hai…”

Uski aankhen baar baar bhar ja rahi thi.

Laal lehenga ka weight, gehno ka bojh, aur uske dil ka darr…

Sab milkar uski saanse heavy kar rahe the.

“Dulhan ko le aaiye.”

Pandit ji ki awaaz aayi.

Uski maa uske paas aayi.

Aankhen ro rokar laal ho chuki thi.

“Beta…” unhone mushkil se smile ki, “sab theek hoga.”

Anshi ne unhe dekha.

Uski maa jhooth bol rahi thi.

Aur shayad dono ko pata tha.

Anshi dheere dheere mandap ki taraf chali.

Uske pair kaamp rahe the.

Log usse dekh rahe the.

Kuch sympathy se.

Kuch curiosity se.

“Bechari…”

“Kitni sundar hai…”

“Bas bol nahi paati…”

Har fuspusaahat uske dil me utar rahi thi.

Mandap me Adhikrit pehle se baitha tha.

Aur jaise hi Anshi uske paas baithi…

Uski nazar seedha uspar tik gayi.

Bahut paas se.

Bahut intense.

Anshi uncomfortable ho gayi.

Usne dheere se pallu aur neeche kheech liya.

Par Adhikrit ki aankhen usse hat hi nahi rahi thi.

Uske chehre par koi emotion nahi tha.

Na softness.

Na nervousness.

Bas ek ajeeb sa haq.

Jaise mandap me baithi ladki uski biwi nahi… uski property banne wali ho.

Pandit ji mantra padhte rahe.

Dono khade ho jaye ...

“Dulha dulhan ek doosre ko varmala pehnaye.”

Sab log excitement me khade ho gaye.

Anshi ne mushkil se varmala uthayi.

Uske haath itne kaamp rahe the ki phool hilne lage.

Adhikrit use dekh raha tha.

Seedha.

Jaise uska darr enjoy kar raha ho.

Jab Anshi ne varmala uske gale me dali… uski ungliyaan halki si Adhikrit ki gardan se touch hui.

Aur Adhikrit ki aankhon me ajeeb sa dark flicker aaya.

Phir uski baari aayi.

Usne dheere se varmala uthayi.

Par pehnate waqt woh zarurat se zyada paas jhuk gaya.

Itna paas… ki Anshi ki saanse atak gayin.

Uski nazar Anshi ke honton par ek second ke liye ruki.

Phir gale par.

Anshi ka dil ghabra gaya.

Woh turant nazar jhuka gayi.

Shaadi ki rasme chalti rahi.

Kanyadaan.

Anshi ke papa ke haath buri tarah kaamp rahe the.

“Isse sambhal lijiye…”

Ye line bolte waqt unki awaaz toot gayi.

Anshi ki aankhon se aansu gir pade.

Uske papa…

Usse kisi aur ke hawale kar rahe the.

Aur woh kuch keh bhi nahi pa rahi thi.

Adhikrit ne us waqt bhi uska haath bahut zor se pakda hua tha.

Itna zor se…

Jaise pehle din se hi control dikhana ho.

Anshi ko halka dard hua.

Par woh chup rahi.

Saat phere shuru hue.

Pandit mantra padh rahe the.

Anshi lehenga sambhalte hue chal rahi thi.

Aur har phera ke saath usse lag raha tha…

Jaise woh dheere dheere kisi aise insaan ke saath bandh rahi hai…

Jisse dekhkar hi uska dil ghabrata hai.

Last phera khatam hua.

Phir sindoor ka waqt aaya.

Pandit ji bole—

“Dulha sindoor lagaye.”

Poora mandap chup ho gaya.

Adhikrit ne sindoor uthaya.

Aur us moment me…

Uski aankhen fir Anshi par tik gayin.

Laal lehenga me baithi hui. Roti hui. Darr se kaampti hui.

Uski khamoshi Adhikrit ke andar kuch ajeeb sa jagaa rahi thi.

Woh dheere se jhuka…

Aur zarurat se thoda rough tareeke se uski maang bhar di.

Sindoor halkasa naak tak gir gaya.

Kuch auratein muskura di—

“Kitna haq jata raha hai dulha.”

ye bahut shubh hota hai...etc type bol rahi thi..

Par Anshi ka dil aur zor se dhadak gaya.

Kyuki us touch me pyaar nahi tha.

Ownership thi.

Phir mangalsutra pehnate waqt bhi Adhikrit ki ungliyaan uski gardan par unnecessary der tak ruki rahi.

Anshi visibly uncomfortable ho gayi.

Par logon ko woh “sharmaana” laga.

“Kitni seedhi hai dulhan…” koi aunty boli.

Anshi ke andar bas darr bhar raha tha.

“Ab se aap dono pati patni hue.”

Taaliyan bajne lagi.

Camera flash hone lage.

Log badhai dene lage.

Par bheed ke beech…

Adhikrit ne dheere se Anshi ke kaan ke paas jhukkar kaha—

“Ab itna darrne ki zarurat nahi.”

“Ab tu meri hai.”

Anshi ki saanse ek second ko ruk gayin.

Uski awaaz bahut dheemi thi.

Par usme jo haq tha…

Usne Anshi ko andar tak dara diya.