shaam ka waqt tha ....Anshi kitchen me khana bana rahi thi....siya daudti hui kitchen me aati hai  uske pao ki Payale bhi halki si jhank ke sath baj rahi thi...siya Anshi ke pass aayi aur uska pallu kheenchti hue bolti hai ...

siya : mammy dekho naa mene kitani achhi drawing banai hai ...

Anshi (roti belti hui) siya pareshan mat kar baad me dekh lugi mujhe mera kaam karne de ...

siya (zid se ) nahi nahi abhi dekho ....dekho naa mammy.....

Anshi (gahri saans leti hai aur apne haantho se aata saaf karti hai ) aur palat kar.... dikha kya banaya hai ...siya copy kholti hai aur Anshi ke haanth me dedeti hai ...

Anshi uske haath se drawing book leti hai aur dekhti hai

jisme ek aurat , aur ek bachi aur ek aadmi  ka sketch bana hota hai ....

siya  : ye me hoo aur ye aap ho mammy aur ye papa .. .siya point karke batati hai

Anshi ek pal ke liye bas siya ka masoom

chahra dekhti rah gai

siya : bolna mammy kesi hai.....

Anshi: Arre wah meri chhoti si guddiya to kalakar ban gai....

siya : mammy ye achhi hai naa

Anshi : bahut achhi hai meri guddiya ab

jaa yaha se aur mammy ko kaam karne de...

siya : theek hai mammy ...

siya muskurate huye chali gai aur Anshi apne kaam me laag gai.  .....

aagan me siya apni chhoti si drawing book haanth me liye khushokar daud rahi thi....aur achanak apni dadi se takra

jaati hai ...aur dadi ke haath se Pooja ki thaali zameen par gir jaati hai...

ek pal ke liye pure aagan me sanata chhaa gaa...

saas ne dheere se apni nazar siya par daali...unki aankho me gussa ubal raha tha...

Arre aandhi hai kya tu ? meri Pooja ki thaali gira di...

siya daar ke maare pichhe haati?

daar ki wajah se drawing book, uske haatho me kuch dab si gayi...

dadi me galti se ....

unhone turant ek zordar thappad chhoti si siya ke gaal par jad diya...

bachi girte girte sambhali ...uski chhoti chhoti aankho se aasu tapakne lage...

phir .. dadi ne uska kaan zor se keench liya ...dikhai nahi deta tujhe...Pooja ki thaali gira dii...Bhagwaan ka anadar kar diya tune...

siya dard se chilla uthi...

siya (rote huye) Dadi dard ho raha hai ..chhodo..

Bilkul apni maa ki tarh nikammi hai tu bhi...

par dadi rukti nahi hai...wo gusse  me

siya ke gaal par fir ek thappad laga deti hai..

siya ka chhota sa Chahra laal ho gaya uske aansu uske gaal par bahe rahe the

siya (rote huye): mammy mammy

Anshi jese hi siya ke rone ki awaaz sunti hai wo turant tez kadmo se aangan ki taraf jaati hai...

siya jese hi Anshi ko dekhti hai ...wo turant bhaag kar Anshi ke pairo se chipak jaati hai...

siya ke gaal par laal nishaan dekhkar uska dil tud gaya. 

Anshi turant siya ko godh me utha leti hai aur apne haanth se uske gaalo ke aasu pochhte huye

Anshi : Arre kya hua meri bachi? mammy ko batao...

siya roti hui hichkiyo ke beech bolti hai

m..mammy dadi ne maara..

mene jaan bujh kar thaali nahi girai mammy  ..

Anshi phirse uski aankho se aasu pochhti hai...bas beta bas mammy aagai hai naa

Anshi saas ki taraf thoda gusse se dekhti hai...

Anshi: maaji apne siya par haanth kyu uthaya? agar koi galti ho gai thi to mujhse kahti....

saas : Arre wah ! ab tu mujhe seek degi ki bacho ko kaise samjhaate hai?

Anshi ne aankhe jhuka li par bolna band nahi kiya

Anshi: nahi maaji...par apne use itana zor se maara hai ...ki uske gaal par laal nishaan pad gaya hai...

chhoti si bachi hi to hai...usne koi itana bada paap nahi kiya ki aap use thappad

maare...

aage se meri beti par haanth mat uthaiya gaa...

saas thoda aage badkar aati hai ..

saas : Arre wah! apni beti ki galti maane ki jagha ....ab tu mujhe sikhayegi ki mujhe kya karna hai aur kya nahi...

Anshi: maaji meto bas.. 

Tabhi gate par jaydev ki jeep  ki awaaz aai ...

jeep ki awaaz sunte hi Anshi ke chahre par ghabrahat aa jaati hai...

saas Anshi ki taraf(muskurate huye ) kahti hai : ab jaydev hi tujhe aur teri is beti ko seedha karega...

jaydev ghar laut aaya tha...

uske chahre par thakan ke sath sath chid bhi thi business me ho rahe din. baa din loss ne use aur zada cruel bana diya tha

Ab kya naya natak chal raha hai ...usne samne se aate huye kaha...

Anshi ghabra gai ,siya aur zor se uske gale lag gayi ..

jaydev ne aagan me nazar daali sab kuch bikhra hua Puja ka samaan zameen par...aur uski maa ka gusse se laal chahra

yeh sab kya hai maa? kadak awaaz me

pochha

saas ne turant bola ,beta tere aane pahle....naa...

dekh le apni beti ki kartoot Pooja ki thaali gira di isne...

chhoti si umar me hi haanth se nikal gai hai...aur teri patni ulta mujhe hi suna rahi hai...kal ko dusre ghar jayegi aur yese hi kaarname karegi to naam to hamara hi kharab hogana...

par teri patni ko to fark hi nahi padta

tameez hi nahi seekhati bachi ko...

jaydev ke chahre par gussa ubhar aaya

wo seedha Anshi ke pass aaya ...ye kya mazak bana rakha hai tum dono ne

usne maa ki Pooja bigaad di aur tu kuch nahi boli?

Anshi dheere se boli...wo galti se gir gai thi..bachi hai jaydev ji...

jaydev: bachi hai to sambhal nahi sakti hai tu...jaydev ne siya ki taraf dekha

tune Kiya naa ye sab...

siya daari hue sirf maa ki taraf dekhti rahi  kuch kahe nahi payi.

Anshi tune sach me ise bahut sar chada raha hai

jaydev ne zor se haath uthaya jaise siya ko thappad maarne bala ho ,siya apni aankhe band kar leti hai daar se

tabi Anshi ne siya ko aur kas ke apne se chipka liya

Anshi ; nahi jaydev ji uski koi galti nahi hai please...

jaydev aur bhadak gaya ...tu to hamesha isi ki side legi....

isliye to din ba din iski sayetaniya baad rahi hai.. 

siya rona suru kar deti hai...papa mene jaan bujhkar nahi kiya...

Bas ek shabd nahi ...

tu bhi aage chalkar apni maa ke jese hi nakhre bali benegi...

Anshi ka dil cheer gaya

usne dheere se kaha ...apko itana gussa kyu aa raha hai .  ...wo sirf bachi hai

jaydev aankhe sekodte huye

bachi hai to kya ? bachi hai to sar par bithalu bol..

ek beta to diya nahi gaya tujhse ....

bas din bhar is bachi ko godh me lekar baithi rahti hai

ghar ka koi kaam bhi theek se nahi karti

saas bhi pichhe se bol uthi ....sahi keh raha hai mera beta ... is aurat ne ghar ka mahool hi bigaad kar rakha hai ...

maa aur beti dono hi manhoos hai...

Anshi ke aasu ruk nahi paye wo siya ko godh me liye  turant aandar chali gai...

raat ka time

siya Anshi ke pass so rahi thi ....Anshi pyar se uske baalo me haanth fira rahi thi...thodi der baad jaydev kamre me aaya ....aur bed par baith gaya

jaydev: Anshi tujhse kuch baat karni hai

Anshi : kahiye ...kya baat karni hai aapko

jaydev: Anshi business me bahut nuksaan ho raha hai aagar tu apne baap se thode paiso ki madat leleti to hamare liye aacha hota bese bhi unka sab kuch hamara hi to hai....

Anshi(dheere se kahti hai) : jaydev ji jabse hamari saadi hue hai aap aur aapke ghar bale kisi naa kisi tarh se papa se paise lete hi aaye hai

kabhi dahej ke naam par kabhi shagun aur tehar ke naam par ...

papa ki ab umar ho gai hai... unhe unke budape ke liye to kuch rakhne dijiye

unke bhi apne kai Kharche hoge ....

aagar aap unse sab kuch lelege ...to is baat ki kya geranti hai...

ki aapka business theek hone ke baad

aap un logo ka kharcha uthayege yaa aapke ghar bale mere maa papa ka kharcha apko uthane dege....

business me utar chadab to aate hi rahte hai ....is sabse aapko khud hi niptne ke bare me sochna chaiye..naa ki mere papa se paise kese nikale is bare me ab

aap so jaiye aapko subha office bhi jana hai...

jaydev (gusse se ) Anshi ka muh pakad leta hai ...Tera itna lamba bhasan sune ke liye nahi baitha hoo ...bol tu apne baap se paise legi yaa nahi

Anshi apni gardan naa me hilati hai 

jaydev gusse se laal hokar Anshi ke gaal par zordar chaata lagta hai...

jaydev: saali do kaudi ki aurat  ,mere tukdo par palti hai aur aaj mujhe hi aankhe dikha rahi hai ...akhiri baar puchh raha hoo apne baap se paise leke aagai. ....

Anshi : nahi maagugi papa se paise

jaydev:free ka khate khate tujhe free ke khane ki aadat jo pad gai... jaydev Anshi ke baal pakadkar use bed se neeche kheenchta hai

aur belt se use maarna suru karta hai

bed par so rahi hoti hai itane sor se siya ki need khul jati hai

Mammmyyy!

siya cheekh kar Anshi ki taraf bhaagti hai....

siya (rote huye) papa mat maaro mammy ko .... siya beech me aati hai

jaydev use Dhaka dekar alag haata deta hai ...siya zameen par gir jaati hai

Anshi: siyaaaa...Anshi siya ke taraf jaane ke liye uthti hai lekin jaydev uske baal pakad leta hai...

siya bhahar jaati hai .... dadi ko bulane

siya (rote huye) gate khatkhatati hai dadi utho naa papa mammy ko maar rahe hai ...saas bed se uthti hai aur gate kholti hai

saas : kya hai siya itani raat kyu pareshan kar rahi hai ...

dadi papa mammy ko maar rahe chalo jaldi ...

kya kare teri maa hai hi yesi

siya kheenchkar unhe apne saath le jaati

hai ....

itani awaaze sunkar Deepak aur Tara bhi Anshi aur jaydev ke kamre ki taraf chale jaate hai.  ...

saas : jaydev chhod use maar jayegi wo

jaydev: nahi maa aaj isne batameezi ki sari hade Paar kardi... free ka khati hai mujhe hi aankhe dikhati hai

Anshi (gusse se chilati hai): free ka khati hoo ,free ka khati hoo...aur jaydev ke ek zor dar thappad lagti hai...jaydev ka chahra dusari taraf ghoom jaata hai aur chahre par Anshi ki chhoti chhoti ungliyo ka nishaan ban jaata hai..

saas : Arre besharam ye tune kya kiya apne pati par haanth uthati hai tu...kya yahi seekhya hai Teri maa ne tujhe bol

Anshi (rote huye ) maaji jab pati inke jesa naamard ho to patni ka haath ek din to uthna hi hai...maaji aaj inhe mene ek thappad maar diya to aap mujhe besharam kahkar beizzatkar rahi hai ...par jab ye mujhe maarte hai tab aap inse ek shabd bhi nahi kahti hai aapko bahut jada maza aata hai kya tab boliyenaa

Deepak: bhabi apni zabaan sambhal kar baat kijiye....

Anshi jaydev ki taraf dekhti hai

jaydev ji jitna mene apke paise ki rotiya nahi khai hai....

usse kai jada mene apki gaaliya khai hai

apki batameezi bardast karti hoo ...jabse is ghar me aayi hoo apke har us zulm ko bardast kar rahi hoo jise aap pati ka haq hai kahkar mujh par karte rahte ho

mere maa papa ne mujhe phool ki tarah rakha tha lekin aapne mujhe dhool me mila diya...

sapne ,khaab sab chur chur ho gaye is ghar me aane ke baad

dekhte dekhte ye paida ho gai me aur daar gai...

in 5saale me kuch bhi nahi badla

mere pure sharir me dard hota hai par har subha ye sochkar uthti thi ki shayad ajj aap Badal jaayege par app kabhi nahi badal sakte hai.....kyuki aap ek patni aur bache par bematlab haath uthane bale naamard hai....

aur yese naamard ke sath mujhe ab aur nahi rahnaa....

mere maa papa ne bahut aarmano ke sath meri saadi ki thi...

me hamesha ye sochkar is saadi ko nibhati rahi ki agar mere maa papa ye sab pata chal gaya ki unki ladlli ke sath is ghar me kya kya ho raha to wo jeete ji maar jaayege...

par ab agar me is ghar aur rahi to me maar jaugi...

me subha hote hi yaha se chali jaugi

aap logo ko aur mujhe yaa meri beti bardast karne ki jarurat nahi hai....

vote and comments for next part